الفنانة فريدة سيف النصر تهاجم شيرين عبدالوهاب وتسخر منها بعد عودتها لحسام حبيب بهذه الكلمات “حسام وهبلة”

هاجمت الفنانة فريدة سيف النصر شيرين عبدالوهاب وعلقت على أزمتها الأخيرة وخاصة بعد عودتها لحسام حبيب ، ووجهت لها رسالة من خلال حسابها الخاص عبر موقع فيسبوك.

وكتبت فريدة سيف النصر: “بدل عنتر وعبلة .. حسام وهبلة ..الطيبة الزمان ده بتبقى هبل يا شيري.. المهم..خلصنا كلام ولا لسه علشان مامي تتكلم”.

وتابعت: “الهجوم زايد عن الحد من مطربات ممثلات معجبات يعني وكأن حياتهم كلهم مثالية.. الجميع عنده مشاكل وفيهم اللي انضرب واتشتم وخيانات ومشاكل مع الأهل عادي زي باقي البشر.. ده في حب بيقتل حبيبته اشمعني مركزين معاها”.

وأضافت: “طبعا كل ده غلط وأرفض عقوق الوالدين خاصة الأم عشقي أنا أمي.. وطبعا الاخوات مايتعوضوش.. لكن بين السطور وأدق التفاصيل حاجات مانعرفهاش ماشوفناش..هي فقط تعرفها”.

واستطردت: “الفرق بينها وبين غيرها أنها من غير فرامل.. اللي في قلبها وعقلها وكلها على لسانها هي كده واضحة .. بلاش نحاكمها بقسوة دي حياتها هي حاسبوها على فنها بس.. هي حد غلبان أوي عايز يحب ويتحب.. سيبوها ولو ربنا مش عايز ماكانوش اتجوزوا تاني”.

وأختتمت فريدة سيف النصر: “عيب بقى كل برنامج بمذيعاته جلد ونقد وكأنهم ملائكة عيب.. كفاية قنوات اليوتيوب السبوبة كل من هب ودب يسب الناس ربنا ينتقم منكم.. ولا المطربات الفاضلات كفاية بقي لحد كده اللي من هنا وهناك.. ده مش اسلوب محروقين اوي علي أهلها..طيب ظروفكم ايه مع اهاليكم انتم مااحنا مانعرفش. والله عالاقل هي اهلها شايلاهم بقالها كتير”.